سرى بليل بروق وأنغام وأنجوم
.وزرى على اللي مهتني في منامه
جحفال غربه من المزن مردوم
وشرقه جزر مزن تبدد ركامه
ساعه بخفت وساعه أخرى بعلجوم
يقمر ويدجر عجيب نظامه
بأرض غطوش سملق ما بها حزوم
جيوب سبروتن منيعن ثمامه
فاهم ومتفاهم ويفهم ومفهوم
وأن كنت منهم فأنت عندك فهامه
راودني الأحساس بسلوب مظلوم
توسلتني عاطفه بانسجامه
قامن يحدن على سر مكتوم
أبطى وصار أبداع عقب أنكتامه
ولي الفخر فيهن ولاني بمهموم
ركبن ركوب العقال فوق العمامه
سبحان رب العرش حاكم ومحكوم
اللي نهاره يسلخه من ضلامه
رب عليه الرزق للصقر والبوم
ما راح رزق غراب يم الحمامه ؟؟
يا شامت أشمت ما أدري عنك مشتوم
ما يجي الشمات غير الندامه
ما جاك يشكيلك من الظيم غير مظيوم
.لو جاك يمكن ما تحقق مرامه
بعض الكلام اللي تحليه مسموم
ودايم يغسل المخ سحر النمامه
وكل شي يروح وينسى بعد كم يوم
وكل شي يسامح غير مس الكرامه
واللي جرى شي مقدر ومقسوم
وعلى المقدر ماتفيد الملامه
ولا أقول لاظالم ولاني بمظلوم
وكلن يبي الله يسأله عن كلامه
ويحاسبه رب (ن) قوي وقيوم
وتوخذ منه حسنات يوم القيامه
مقطع موسيقى لأغنية أم كلثوم
يسوى ردي يبلشك في خصامه
ومثلي معه لأمثاله أقفاي وأقدوم
وبعض السوالف ما تثير أهتمامه
أبن الردي لو قلت ما يصير زيزوم
وما فيه أمل يمكن تطير نعامه
مالك سوى تنساه وتبعد الحوم
والمحترم حق عليك أحترامه
قليل شكله وأغلب الظن معدوم
ومن الحياء يطلع ويرجع شمامه
هادي طبع ما فيه خفه ولا زوم
في كلمته وبنظرته وأبتسامه
من ناس تحكمها تقاليد وأسلوم
عبق (ن) ولبق (ن) خندريس (ن) غرامه
عني بعيد وفيه ما أشري ولا أسوم
وأبعد من سكاكا عن تهامه
مثل الرضيع اللي من الصغر مفطوم
فطم وهو يحول ما تم عامه
بليل أهوجس تالي الليل وأهوم .
أفراقه أثر في والقلب ضامه
حبه شغفني شغف جارح لعيسوم
.ساوى الدروب العوج بالأستقامه
من نظرته تاقف بي الأرض وتحوم
من جرف تفكيري يروح لعدامه
أن أنتصر منصور وأن أنهزم مهزوم
لازم تقول الناس هذي علامه
ما خلو اللي بالخلا نايم (ن) نوم
من نومه أقعد خير وألا ملامه
ولاني بمدح وذمة الناس ملزوم
أبغى السلامه كان حصلت سلامه
وأن صرت لا عاقل ولا مخرم خشوم
شخصيتك يصر فيها أنفصامه
لو قلت هذا الشرق لنسان منجوم
يصير عنده غرب وقت أنجامه
ولاصار حقك عند غالي مهضوم
عليك تصعب فكرة الأنتقامه
وطير الحبار نوب يزعجه جرثوم
يصير في نفسه ويدور ألتهامه
دنيا تناقض تمزج أفراح بهموم
يوم تعجعجبه ويوم غمامه
هذا من النعمه تقل صايبه زوم
وهذاك مسكين يقم القمامه
ومتحير بأمر صار واضح ومحتوم
تحير بأمر منفلت من أزمامه
وبالناس متعلم ومحتاج تعلوم
وبالناس جاهل ينمرض من طعامه
ومهما وصلت بحال في الحال محكوم
لو أنك في دنياك راعي فخامه
وجناح للبعوضه وللفيل خرطوم
وش فايدتك بعرف زرقاء اليمامه
حاول تصير بساعة العسر زيزوم
وليا حزمة الشي جود حزامه
وحذرك وصبرك لازمه دايم الدوم
تسلم من التسليم والاستلامه
ولاتصير مكابر ولاتصير حيموم
في رغبتك بالشي والآ ألتزامه
وش جاب ريح المسك يا ناس لثوم
والمعرفه وش جابها للغشامه
والعمر لو طالت لياليه ما يدوم
لابد ما يفني وتفني عظامه
ما خلدت كسرى ولا قيصر الروم
وملوك عاشوها بوقت الزعامه
عاشو حقيقه وأنتهت كنها أحلوم
وأفنيت بعدهم ناطحين الجهامه
والله يبدل عج الأيام بغيوم
تمطر عقب ما هي عجاج وعسامه
وجذبني الأبداع مصحوب بهموم
وجاني عز الأبداع بالأنهزامه
ضمير غايب عنده أخبار وأعلوم
ومن التجارب صار عنده ألمامه
ما همه الحرمان لو عاش محروم
ألآ ليا ناظر رشيق القوامه
أبو عيون سود والخصر مهظوم
حلو تحد خده من اليسار شامه
هواه مشقيني ولا لحقني لوم
ولازال قلب عهده بأستلامه
غضا من الهفوات مكرم ومحشوم
يمشي وهو واثق ومرفوع هامه
لاتقعد النمات عنده ولا تقوم
عن القيل والقال صك اللجامه
وبالشده الاصحاب تعرف من القوم
كل بوقت الضيق يعرف حزامه
دمتم بووووووود 
الحديث | شاشة 1024x768 أو أكبر
عليك يصعب تفهم كلامه ؟ 
الثلاثاء مايو 26, 2015 11:50 am
هام جداً: قوانين المساهمة في المواضيع. انقر هنا للمعاينة 
صلاحيات هذا المنتدى